يا أغلى ماعندي ” للشاعرة: هبة صلاح_ مصر

يا أغلى ماعندي… يا أمي
يا شايلة.. من الهموم همي
ده حبك سيل جري ف دمي
وانا جواكي من يومي!!

يا أغلى ماعندي ف الدنيا
رضاكي… عندي بالدنيا
ده حبك….
انتي… حاجة تانية
ومهما كبرت أهو ف ثانية
بلاقيني…
صغرت يا أمي من تاني
والاقيكي…
في عز همومي شايلاني
وواخداني
كده ف حضنك
….. وضمّاني
ومهما تاخدني أحزاني
و أتوه ف الدنيا و أنساني
بحن إليكي وأشتاقلك
وألااقي عينيك عنواني
وحضنك… بيتي و كياني
بيحميني…. يدفيني
ويمحي الحزن جوايا
…. تهون الدنيا دي ف عيني!!!

admin

See author's posts