24 يونيو، 2024

والضهر لما إنحنى ” للشاعرة : إيمان الديب _ مصر

ايمان الديب

والضهر لما إنحنى
ورجلى ماشلتنيش
والرعشة مسكت إيديا
والفقر مارحمنيش
والعقل بيتوه منى
وخلاص مش قادرة أعيش
بعتلك المراسيل ياإبنى
لييه بقى مجتنيش
جعانة وشديت الحزام على بطنى
ومحتاجة للرغيف العيش
إيه اللى منعك تجينى
بقالك سنين ماشفتنيش
ولاد الحلال قالولى أروحلك
بس مراتك مبتحبنيش
مش عايزة أسبب لك مشاكل
عشان ياإبنى متكرهنيش
وحشتنى أوى ياإبنى
وصورتك أبدا مابتسبنيش
وكل يوم أنده عليك
ماهو غيرك ليا مليش
الأغراب بيعطفوا عليا
بس عطفهم عنك معوضنيش
نفسى أشوفك وتشوفنى
خايفة أموت وأوحشك متلقنيش
ويتسلط عليك عذاب الضمير
ويعذبك الندم وميرضنيش
بر الوالدين فرض ربك
وإنت ياإبنى مابرتنيش
خايفة تشوف اللى شفته
وتحتاج لبر إبنك ماتلقيش