هما دول المخلصين
لما بوحتي بالأنين
وصلو ليلهم بالنهار
مِينا ليكي والفنار
عزمهم ولا يوم يلين
هما دول المخلصين
اللي طبب للجروح
واللي يفدي بعين وروح
واللي جوه القلب شايلك
حافظ العهد وجمايلك
بالوفا زين جبينك
لون سماره طمي نيلك
للخلود حرفك وإسمك
رسمه لوحه ع الجدار
زينه بضحك السواقي
طرحت البساتين خَضَار
والأمل فرده ف طريقك
مد إيده وكان صديقك
بدد العتمه ف ليلك
شقشق الفجر بنهار
هما دول المخلصين
More Stories
حتى من ضِلّك ” للشاعرة : مرفت جابر _ مصر
ايها اللص لقد سرقت قلبي ” للشاعرة : لمياء صلاح _ مصر
الشعر مش فزلكة ” للشاعرة : وفاء على _ مصر