“أب_موجوع’ كلمات الشاعر محمود مصطفي

أب_موجوع
كان فين مستخبي الوجع مانا ياما ناديته
قولتله تعالى كتير و بالدمع ناديته
كان هربان منى بعيد وخلاني نسيته
ولما افتكرني ؛ جالي
و ياريته وجع قلبي
لكن وجع قلب
عزيز من دمي غالي
توه عقلي وخلاني عايش
مرار ايامي
دوقني العذاب طول الليل
خلاني أسهر و دموع العين
تنزل على فرشي تحرق
زي ما قلبي اتحرق
من نار احزاني
دي نار البركان اهون
من نار وجعي
على ولدي
اللي فنيت عليه عمري
وخليته حلمي و اماني
يارب هون عليه الوجع واشفيه
و رجع شبابه من تاني

admin

See author's posts