فينك ياابتسامتي ” للشاعرة : حنان خليل النماس _ مصر

كان نفسي أفرح”؛وافرح نفسي
بحب قلبي” ومشاعري
واحضن الدنيا ببتسامتي
بس أسفه ليك ياانتي
حبك مليان أسى وجراح
وضحكتك وابتسامتك
دموع وأنين ونواح
كان نفسي تفهميني
وماتستغني عني
وتحسي بطيبتي والتمني
لحب ساكن جوه قلبي
نفسي في يوم انوله
وتعيش روحي في جنون فتونه

ارجوك كفايه يا دمعتي
نزلتي لما ماتت فرحتي
حقك عليا يا عنيه
هى دي كانت قسمتي
كان نفسي ياقلبي غصبن عني
اعشق وأحلم وأغني
لكن إسمحيلي انسحب
وانسي اللي ممزوج في دمي
وأوعدك ياابتسامتي اني
اعيش بشوقي لوحدي
واتحمل قسوة زماني
علي حب ممنوع جاني
اتحرمت منه ومن غرامي

اسف يا بسمتي من اايام هنسى وجودي
وانسى عمري وحدوده
مع ان الحياه بدونه
آنين وعذاب لوحدي بطوله
وآه وآه ياابتسامتي
حاضرأو غايب انا راضيه
بالمكتوب حتي النهايه
وهيفضل حلمي اللي من حقي
مع أنه اكبر ألم بيوجع في صدري
اصلها حكايتي ومشاعري
واحساسي لاخر صبري
لسنين كتير عشتها مكسوره
بين قلبي وحبي وفكري

اسفه ليك يا ابتسامة
كان نفسي اعيش ولو يومين
واحس بحبيبي واسكنه في العين
لكني بحلم وحلمي مقتول
وهوايا مستحيل انه يكون
واديني هنكسر وهبقي مع دمعي
وايه حصل ما انا دايما لوحدي
وحلمي راح كانه رياح
وبقي اسطوره جراح
وضاع مني نور الصباح
وماتت بقلبي الأفراح
آه يا ابتسامتي
أسفه على وعدي ليكي
وعهدي اني ما احب لكني
عشقت وكان غصب عني
وهفضل احبه لاخر عمري
مهما يمر الدهر هو بقلبي
لحد ما تفارق روحي جسدي

admin

See author's posts