ثقافة

بيسرقني ” للشاعرة : إيمان محمود _ مصر

ايمان

بيسرق روحي من روحي
فتسكن فيه ويحييني
ويسرق نومي من عيني
فالاقي النوم يجافيني
ويسرق دقة من قلبي
لو اسمع صوته يناديني
بياخد قلبي من توهته
يوديني علي الترحال
ف بحر عيونه وجمالها
فاغنيله ٢٠٠ موال
بيسرق مني حزن سنين
ويزرع فرح بوجوده
ووتر القلب يعزفله
يغني الفرح علي عوده
وبكتب شعر ف بحوره
ويطول عمري ف وجوده
بيسرقني يوديني
علي حلمي اللي كان منسي
وصوته حنون بيغريني
وانا سمعاه مونسني
وبسهرله لياليا
واعيشله ف الغرام حالة
يرفرف شوقي حوليا
واكون ف عيونه رحالة
وقلبي يدوب لو اتكلم
واحس بشوقه وهيامه
ومهما يداري عني هواه
بيظهر عشقه ف كلامه
وكان لي دا فين ومتخبي
بشوف الكون معاه وردي
كأنه هدية م الايام
واخدني معاه طريق سعدي