ثقافة

فى يوم سالونى عنك ” للشاعرة : راوية حسن _ مصر

ارشيف

فى يوم سالونى عنك
انا قولت أن مافيش منك
الدنيا كلها فى ناحيه
وانت ولا حدش زيك
والله ده انتى الغالية
واجمل حد فى الدنيا
وانا قلبى دايب فيكى
ياماليه الدنيا عليه
قلبك ده مافيش منه
طيب وحنين وأنه
بيخاف عليه ويحضنى
وانا دايما عايشه بقربه
امى ولا زيك حد
وعطاءك مالوش حد
وصفاتك ماتتعد
حتى اسال قلبى يرد
ويقول على حبك شهد
لما اوصف امى بقول
ده جمالها مش معقول
مهما اوصف ولااقول
مش ممكن ابطل سرد
امى يااغلى هديه
يا ورده بيضه مندية
بلمح طيفك بقلبى
واشكر على حبك ربى
وادعى وارفع ايديه
انت لوحدك فى قلبى
ويشهد على حبك ربى
وبقول ولااقدر اخبى
اصلك من ربى عطية
امى وفى ايه يشبهلك
ولا فى الكون ده قدك
ولا حدش ابدا زيك
نعمة ربي وهدية
امى حبك جوايا
سكنى وعمرى وكفايه
من ربى اغلى هدايه
وان قولت ده برضو شوية
سهرك تعبك علشانى
ربيتى بنيتى كيانى
حبك ليه خلانى
بين الناس احلا صبية
الكل بيحلف بيكى
كان نفسى ابوس ايديك
وادعى ربى يرضيكى
فى الجنه يااغلى حورية