يارب بلغ سلامى لأمى
فى يوم عيدها
عرفها ياربى
إنى عمرى مانسيتها
دايما على بالى
كل وقت فى سيرتها
يارب
امى علمتنى كتير
علمتنى أحب الخير
أحبه ليا وكمان للغير
صحت جوايا الضمير
علمتنى صلة الرحم
علمتنى بدون عِلم
لا راحت مدرسة ولا كتاب
ولا عمرها مسكت قلم
علمتنى أحترم الناس
معرفتهم دهب وألماس
أكون واضحة وصريحة
والحب بينا أساس
علمتنى يارب حُبك
وأنى أصلى وأقيم فرضك
يارب اسعدها بقربك
وبقدر ماعلمتنى
سكنها في جنتك
برحمتك وعفوك
More Stories
منَ الشريانِ للشريانِ ” للشاعرة : رضا عبد الوهاب _ مصر
موطنى ” للشاعرة : سعادميري : مصر
حبيبي ” للشاعرة : لمياء صلاح _ مصر