اقسم لك يا امى ” للأديبة : سونى ابو العلا _ مصر

اقسم لك يا امى ..واحلف لك مليون يامين ..انك هاتكونى بنتى فى القلب وضى العين ..اسيبك لحد تانى لا واللة مستحيل .هارعاكى بالقؤب منى لا دار للمسنيين ..اقسم لك باللة يا امى واحلف لك مليون يمين ..ها تكونى فى قلبى طفلة فى القلب وضى العين ..ما انتى بقيتى النهاردة طرح كل السنين
بتعيشى معايا وحدتى وعذاب السنين
وها ترجعى تانى تخصمينى وتسؤئى عليا الدلال
واحايلك واصااالحك وتستمرى فى الخصام

واقبل راسك وايدك .وكمان ابوس الاقدام
ما اليوم يا حبيبتى يا غالية اتبدلنا الادوار
وبقيتى انتى الصغيرة وانا نبع الحنان
ارعاكى واضمك لصدرى ذى ما رعيتينى
زمان
واسهر بيكى الليالى ذى ما سهرتى بيا زمان
ابيعك انا يا امى . لا واللة مستحيل
ولو ها بيعك يا امى بعدك .ها شترى مين
ما جربنا كل البشر . ما لقينا بعدك حنان
اديناهم حبنا ضربونا بالاقدام
بددوا الامل فينا وحولوا الدنيا ظلام

هارعاكى بالقرب منى .لا دار للمسنيين
انتى فى قلبى يا امى لا فراق غير بالبين

admin

See author's posts