دعاء ” للشاعر : محمد حمدان _ مصر

وبطلب منكو دعواتكم
عشان لامح صلاح فيكم
وعشمان لما تدعولي
نفس الدعوة هتجيكم
و يمكن باب سما مقفول
هيفتح بس باديكم

انا ليا ذنوب ياما
بحق الله انا مقصر
وخايف دعوتي تترد
وخايف مرة تتاخر
فباعمل من دعاكم سد
وعشمان انها تجبر

بحب الصالحين جدا
وعارف اني مش منهم
واملي من محبتهم
شفاعة اكون بها بينهم
تصيبني دعوة من واحد
فمتخيرش يوم عنهم

ياريت م القلب تدعولي
وليكم م الملاك بالمثل
هداية لقلبي ولروحي
عشان فعلا قليبي ضل
وعفو من الإله ليا
وهاتو معانا برضو الكل

وصلو ع النبي اكتر
في اولها واخرها
تلاقو الدعوة بتبدر
تحسو اكيد بتاثيرها
بصلي عليك ومن قلبي
يا سيد الخلق واميرها
صلاة تمحي الذنوب فنتوب
ونلقى ف القلوب خيرها
صلاة عدد عباد الله
بصالحها وفاجرها
صلاة بيها الشفاعة تجوز
وف الاخرة ننول نورها
صلاة الله واذكى سلام
على الي جاها نورها

admin

See author's posts