اختصار الوقت بنّا واحتضار الشوق
بذمة واقتدار
وانبلاج الفجر لما ينفض جتته
م العتمة ويتنفس الضى بدهشة وانبهار
مارست عنفوان اللحظة بشهقة الآه
ولذة تمتمات الروح والوجع
وبهدوء الليل ومكره
ف فميتو ثانية انسحبت
زى ادمان / أو نيكوتين
قررت فجأة تبطله
لملمت البواقي اللى كانت فاضلة منا
ف ركن متزوق بدانتيل
مغزول من حشانا / وحبة اكسجين
زاويتهم كومتهم ف بؤجة ذكريات
لوقت ماتحتاج تشوفنى تروحلهم
بقيت بالنسبة لك وقت / فات
حبة رفات ماضى انتهي
يامنتهى كل حاجة حلوة
مجاتش ف وقتها
ياسهم شديته بقوة رد فيا
مت عمدا / أو مجازا
بنت جات الدنيا غصباً
وبرضو غصبا سيبتها
More Stories
معفّر بالغياب ” للشاعرة : صباح نور الصباح _ تونس
هذّبْ أشواكَكَ ” للشاعرة : ملك محمود الأصفر _ مصر
مَا عَادَ غيرك ” للشاعرة : مروة العنانى _ مصر