ثقافة

الصبر جميل ” للشاعرة : جيهان الصياد _ مصر

جيهان موسى

حتى ولو كان طعمه مر
هنشرب منه ونتعلم
ازاى نتحمل كل الصدمات
من اللي خانونا وغدرو ا بينا
من غير ما نعاتب ولا نتكلم
هنتحمل وهنصبر. علشان احنا منعرفش الغدر
متعرفش نرد الظلم بظلم ولا الطعنة بطعنات مش عشان ضعف منا ولا قلة حيلة ولا بنخاف من حد لا عشان
احنا القلوب البيضاء اللي متعرفش يعني ايه سواد
احنا الناس بتاعت زمان اللي لما حد يزعلها
اخرها تبكى وتقول يارب انت عالم بحالي
وعالم مين الظالم ومين المظلوم
وقادر تجيب حقى من اللي ظلمني
وقادر تنصرني علي عدوي
واللي بيحاول يأذينى ويجي عليا
رد عليه ظلمه واللي باعنى وقت ضيقتى
واللي كان جنبي في عز فرحى
ولما اتغير حالي بعد عنى وسابني
يارب أبعده عني وخلينى اتقى شره
بنلاقى ساعتها طاقة من نور اتفتحت فى السماء
وبنشوف احلام جميلة حتى ولو مش حقيقة
لكن كفايا أن ربنا بيبشرنا بالخير والنور
بيحسسنا بالأمان وأنه معانا عشان احنا قريبين منه
لكن اللي قلوبهم سودة ميعرفوش يناموا زينا
ولا بيشوفو ا حلم جميل ولا بشرى خير تبشرهم
بأن ربنا حتي قابلهم أو بيحبهم
ده بحد ذاته كفايا علينا ومش عايزين حاجة تانى
من الدنيا ولا اي متاع فيها غير بس رضا ربنا علينا
وكفايا بس أن هناخد عملنا معانا
واللى ظلمنا هيتحاسب ادام عنينا ومش هنشمت فيه
هنقول قضاء الله وقدره وربي يسامحه