13 أبريل، 2024

“أنا ليا مين غيركم” للأديبة : فاطمة عمار _ مصر

فاطمة

هذه القصيدة فهى على مسؤلية كاتبها وليس على الموقع أدنى مسؤلية

أنا ليا مين غيركم
ياعرب
لما احتجت لكم
الكل ليه هرب
وأنا اللى بينكم
التاريخ عنى كتب
أنا فخركم وعزكم
أنا ترابى من دهب
إيه اللى غير طبعكم
بعدتوا ليه إيه السبب
مش قادرة أصدق غدركم
العدو بيكم ضرب
حطم معانى حبكم
وقف على عزى وشرب
ولا همكم إيه ذلكم
أنا عشانى تقوم حرب
لو ايدى فى ايدكم كلكم
ابدا فى يوم مااتغلب
عايز اعرف معنى صمتكم
من حقى وليا فيكم عتب
بينا إخوة وف دمكم
بنسرى وفيه بينا نسب
ليه يا عرب
ضيعتوا حق عروبتكم
الكل بقى عرض وطلب
مش سهل تنسوا أصلكم
ده ربنا ليكم وهب
خلى الإسلام يكون دينكم
والجهل عنكم إتحجب
راحت هيبتكم
طب ياخيبتكم ياعرب
شمتوا العدو فيكم
لا شافوا صاروخ ولا حطب
أنا مش هاطلب ودكم
ولا عايز حب
بكرة العدو يرجعلكم
وتخليكم عنى يبقى ذنب
اصحوا وفوقوا من نومكم
شعللوا فيه اللهب
عرفوه إيه قيمتكم
خليه يشوف مين العرب