29 مارس، 2024

“القدس بتنادي” للأديبة : صفية نصار _ مصر

صفية

صفية

القدس بتنادي
القدس بتصرخ بتنادي
ياشعوب الدول العربية
مدوا ايدكم ياولادي
لأجل أبقي بيكم عفية
***********
ياامة محمد وامة عيسي
نادوا في كل جامع وكنيسه
اوقفوا بحور الدم اطفال ونساء
استباحوا دمهم باايدين غدر خسيسه
وارضي بتتحرق مهبط الاديان السماوية
***************
شوف كام جريح وكام شهيد
وإنت واقف تتفرج من بعيد
عار علينا ياعرب صحوا الضمير
واعتصموا بحبل الله المجيد
الواحد منكم هيغلب الف وميه
**********
وعشان تقدر ترد اعتباري
تعالي خلصني من القيود
ومن العدو خدلي تاري
وكسر بعزمك كل الحدود
واتعلم يابنى تشيل البندقية
،،،،،،،،،،،،،،
عايزه سلاح اقوي م الأحجار
عايزة صوايخ وضرب نار
ونقضي ع الكفره الانجاس
ونصلي في القدس جمعا أحرار
محمد و مينا وتحيا الوحدة الوطنية
بقلمي صفيه نصار شاعرة مصريه