مش حقيقي
إن قلبك كان صديقي
إن حبك ليا نوّر
دنيتي و سهّل طريقي
مش حقيقي
إن بكرة الجي معاك
إن أنا دايبة ف هواك
إني بلقى فيك أماني
والفرح بيبل ريقي
مش حقيقي
كل ده كان حلم زايف
قلبي لسه نبضه خايف
كنت باحلم فيك اصادف
جنتي لقيتك حريقي
مش حقيقي
كل كلمة أنا قولتهالك
كات بتترجا ف وصالك
أو بتصرخ محتاجالك
قولتها من كتر ضيقي
مش حقيقي
يعني حاول عني تمشي
والهوى هاداريه في رمشي
وإن سهر قلبك مانمشي
قول له نبضك ده حقيقي
مش حقيقي
More Stories
سكان كفر الصعيدى يستغيثون بمحافظ الشرقية بعدم إقامة كوبرى مشاة أمام الكنيسة بالجهود الذاتية
القمص ميصاييل نصرى يكتب مساءلة الدولة
عبد الحكيم الرئيس السيسي يولي اهتماما كبيرا بالفئات الأقل دخلا