28 مارس، 2024

مش حقيقي ” للشاعرة: نحلاء عزت _ مصر

نجلاء عزت

مش حقيقي
إن قلبك كان صديقي
إن حبك ليا نوّر
دنيتي و سهّل طريقي
مش حقيقي
إن بكرة الجي معاك
إن أنا دايبة ف هواك
إني بلقى فيك أماني
والفرح بيبل ريقي
مش حقيقي
كل ده كان حلم زايف
قلبي لسه نبضه خايف
كنت باحلم فيك اصادف
جنتي لقيتك حريقي
مش حقيقي
كل كلمة أنا قولتهالك
كات بتترجا ف وصالك
أو بتصرخ محتاجالك
قولتها من كتر ضيقي
مش حقيقي
يعني حاول عني تمشي
والهوى هاداريه في رمشي
وإن سهر قلبك مانمشي
قول له نبضك ده حقيقي
مش حقيقي