الكل صار قاضى
حاكم ف أوجاعنا
والسجن ليوسف
كان رحمة من غية
بنية كات عاشقة
وقالتلوا هيت لك
لكنه علشان نبى
معصوم من الأخطاء
هيأت لك دنيا
بنيت لي بإيدك قبر
وبيت بليل مهجور
وعدت الغمة
وأنا مش نبى ولا ولى
ولا اسم م الأسماء
فسيب بقى ايدى
ارميها على كتفى
كتفك ماهوش حمَّال
ولا عمره يوم طبطب
يبقى كدا يكفي
ماعدت راح أشرب
من كاسك المسموم
وحبك الواهى
وحكمك الناهى
ف حب ضيعته
خليت قيامته تقوم …
وسلِّم الشيلة
More Stories
اسرح ” للشاعرة : نجلاء عزت _ مصر
خدعة ” للقاص : عماد ابو زيد – مصر.
بقايا المدينة ” للشاعرة : سناء سقي _ المغرب