ايا البلد الممتنة بالصلاح حبّاله
فيكي صمودوفيكي رتوت وفيك رجاله
ارضك حبلي من صيب السما الكبالا
خيرات جما انجبت الرواسي جبالا
سحايبك سفلت عفرتّا مابي الصبّا
نزلت في الصعيد صيب المحامد كبّا
اب حجبات صرج ضراسو قام وانعبّا
ساندترسو ترس راجي جية ام رَبّا
اتقلدن شتات جن فوق ترابنا اترشا
حقّبن النعيم في الجوف نسيمن خشا
البركت غُناهو وللمـــــظالم حشّــــــا
خالقوقديرعلي القاسيات بخلها هشا
بهلت فوقها صيباًمن جميع لُزامها
نارت بقعت لصفت روت هُزامها
شالت حمرت لزمت كرب حزامها
جوجرت المبطره وانملت لازمامها
عطرك فاح وزرعك شال وصب ندايها
لبست توبا سندس وخدرت ودايها
اياالبكرالنفي الشك مابتعيب رضايها
قمريك قوقا قمرك بوبافوق لي رايها
لفاح اتربط برقك شلع في قلوبنا
دودو ناطح الجبال وقلبو هبوبنا
دامس ليلك العمي ان طلع في دروبنا
وجاس قالع العير البريبا حروبنا
الشختور نزل في لمة البيّاش
بشر بي مجيهو البصدود نيّاش
مواقرللمكارم وفي المحن عيّاش
فاقر قلبي كنو مكلش الجيّاش
دفق السيل وعما الخير ثراك متروع
واتحقبن ايادين لبسو المرقوع
لمع فيك لجيين رهرهرج الصقوع
طاف باريهاتكاي ماشكاهو الجوع
هب نسامها ربطولجامها كجا ثناها
مو عكسوها كم ضرعوهانُبهاجناها
ختو التايه ضَروه ضراياقسموعناها
حكرو الكيف وجدعو النمه بي معناها
More Stories
عشت الحياة توهان ” للشاعرة : يامنة رفعت _ مصر
أسكُب الماء ” للشاعرة : أسماء محمد _ مصر
عقوق الوالدين ” للشاعرة : جيهان الصياد _ مصر