بعترف بعدك ياأمي
إنهزمت
من فراقك وبعدى عنك
إتكسرت
واللى شوفته بعد منك
منه خوفت
نفسى يامه تطمنينى
كل حاجة إتغيرت حتى النفوس
كل شيء أصبح ياأمي بالفلوس
الغنى على الفقير برجله يدوس
ياما في بُعدك يا أمايا بكت عيني
بقينا نترحم ياأمي ع الحنان
بقى نفسنا نحس بأمان
بقينا نقول على كل حاجة
والله زمان
ومين بعدك يا أمى يواسينى
ده الناس بتخاف من بعضها
زمان كانت تخاف على بعضها
وفي الشدة تلاقى الناس كلها
دلوقتى كل واحد بيقول
يالانفسي اللى فيا مكفينى
الله يرحمك يامه
مش كنتى تاخدينى معاكى
الدنيا بيكى كانت جنة
وحلوة يامه برضاكى
يارب احصلك يامه
وف جنة الفردوس القاكى
More Stories
الشعر مش فزلكة ” للشاعرة : وفاء على _ مصر
الكل صار قاضى ” للشاعرة : رضا عبد الوهاب _ مصر
حكايتنا ” للشاعرة : رضا هيكل _ مصر