” ألنا الشهيد ” للشاعر : محمد عبدالحميد _ مصر

انا الشهيد
بحب ارض بلادي حبها اتولد بالفطرة
حب الوطن عبادة كلها سعادة وبركة
انا اللي كنت بحلم بالشهادة النهاردة
قبل بكره
الشهيد بيفضل عايش عمره مايبقى ذكرى
الشهادة بالنسبة لي حلم مش مجرد فكرة
*****
اللي يعشق تراب بلده يجري عليها ويحميها
لو عدوها فكر في يوم يحتلها أو يأذيها
يجري عليها البطل وبروحه ودمه يفديها
الشهادة مكانة عالية ولازم من قلبك تكون
بتتمناها وناويها
الشهادة مش مجرد كلمة نقولها ونحكيها
أو نغنيها
لازم نكون عارفين تمنها وقيمتها ومعانيها
انا اللي حلفت بدمي وروحي أحمي بلدي
ولأخر نفس تكون رايتها في ايدي ماسكها
****””
أنا الشهيد ياسادة والشهادة هي السعادة الشهادة دي عبادة
كل واحد فيكم يحكي عني لابنه وبنته
وكمان لأحفاده عرفوهم يعني ايه شهيد علموهم معنى وفضل الشهادة
*****
أنا اللي وقفت أحمي أرض بلدي
واحافظ على الحدود
وقفت أنا واخواتي سهرانين نحرص
أرضها زي الأسود
أعظم شرف انك تحافظ على ارض اهلك أرض الجدود
أنا الشهيد طول حياتي رافع رايتنا
أنا والجنود
من يوم ميلادي بعشق تراب بلدي عشق مالوش حدود
أنا الوحيد يوم وفاتي بتولد تاني من جديد
أنا اللي يوم جنازتي بيقولوا عني البطل الشهيد
هافضل معاكم بروحي مش هروح لمكان بعيد
انا حي في السما طاير عايش سعيد
من يوم ميلادي ومكتوبالي اكون شهيد
معايه هنا شهداء كتير واليوم ده عيد
وقولو لامي ولابويا افرحوا يا اهل الشهيد
افرحوا يا اهل البطل عريس الجنة الجديد
افرحي يا امي ابنك النهاردة اتولد تاني
من جديد
*****
راح سبقكم وحجز لك انتي وابوه واهله في الجنة مكان
هو ده وعد من نبينا المصطفى العدنان
الشهيد مقامه عالي في اعلى الجنان
روحه حره في السماء بتروح لاعلى مكان
من سعادته لما شاف مقامه قال ياريت
نلت الشهادة من زمان
اللهم ارحم شهداء الوطن في كل مكان

admin

See author's posts