مشهد يعاد ” للشاعرة : إيمان مصطفى _ مصر

من يجى تربنتين سنه
مشهد يعاد
نرجع يقرب نفتكر ..
دوس الزناد
نفس الأسامي بحرفها
نفس المعاني بنبضها
نفس المواجع نفسها
حالة عناد
بين روح بتكره ضلَّها
وأماني مش بتحسَّها
على أرض ماشيه
وعرضها
جوة المزاد
فكرة تضاد
بين فرح حبيته بجنون
خلاك حزين
بين قلب رافعُه للسما
غرسك فى طين
بين بين وبين
أيام تصونها تبعزقك
جوه السنين
وشبح لئيم بيطوحك
فكرك حنين
مشهد يعاد
فوق نبع بركان انفجر
مات الشجر
اتيتمت أوراقه من قبل الميلاد
مين مستفاد
ليه كل حاجه وعكسها
أيام بتمشى بضهرها
والظلم ساد
حلم اللى عاد
فيه حب تهواه القلوب
يرشق فى نن الروح
تدوب
تخضَّر تنزاح الذنوب
تشرق حياة
من غير عيوب
تفرح بخطوتنا الدروب
نلقى الوداد
مشهد يعاد

admin

See author's posts