“مدينة الأشباح” للقاصة : سحر محمود عيسى _ مصر

مدينة الأشباح

زوج ندى خانها مع ساندرا
نهى بتحب عمر وعمر بيحب نادين( واحنا المفروض نبكي من التأثر)
دينا شافت خيانة مروان واضطرت تسكت( واحنا منعرفش مين مروان أصلا)
فيلل ، قصور، شاليهات ،منتجعات..
إضاءة ..ديكورات مبهرة… حاجات بتلمع????????
????يوم الشخصيات كله بين المطاعم والكافيهات والنوادي والجيم والمول والبارات!
كل الآباء بيعقدوا صفقات استيراد وتصدير ( ايه تحديدا متعرفش ولازم الصفقة 5 مليون وفي سويسرا)
❣️الأعياد والمناسبات : الكريسماس.. أعياد الميلاد( مفيش عيد الفطر والأضحى وصيام وقفة عرفة والعالم بتاع الناس التانية) ????
????الحوارات :كلها ناعمة ..رقيقة.. لامعة هادئة تدور حول موضوع واحد: ( حد خان حد- جوازة مهددة بسبب كلمة جرحت مشاعرهم مش جوازة واقفة على تلاجة أو طقم شربات)
كل النساء هوانم????????????‍????كل الرجال باشوات!

كل مشاكل شبابهم في مشاعره تجاه فلانة وعلانة أو حيرته في اختيار عربيتين????( حاجة توجع القلب) أما عن المخدرات والخمور فعاااااادي!
منطقة الأحداث كلها التجمع، مارينا، شرم الشيخ، الساحل -(مدينتهم) أطفالهم بابي ومامي واللسان معوووج

تلاقي قصة عن ست محترمة ومكافحة وشافت الغلب علشان تطلع عيالها اطباء ومهندسيين لأ؟ تلاقي قصة عامل نظافة ولا بياع في طريق بيحاربوا علشان اللقمة الحلال لأ؟ تلاقي شاب مهذب اجتهد وعافر علشان يثبت وجوده العلمي وتلاقي الجامعات الأجنبية بتعتبره مكسب لأ؟
تدور على أسرة مصرية عادية بتاكل وتشرب وتعيش زي الناس بتفاصيل حياتها لأ!
والله العظيم الي بيعرض ع الشاشات دا يستحق العقاب.ومستحيل تكون فيه رقابة إلا على الورق والتشويه دا متعمد ومؤامرة مننا فينا!
……..
مخدرات وآثار وانحلال وقذارة هذه مصر الموجودة في مسلسلات السنوات الأخيرة
القبح والتشوية والاستفزاز ودفن الوجوه الطيبة!
مصر لا تستحق هذا القبح
……….
إعادة نشر
#مصر_التي_يعرفونها_ولانعرفها
#حقا_مدينتهم_

admin

See author's posts