والله زمان ياحبيبه يا مه
فين أيامك والخاله و العمه
راحوا أغلي الحبايب
وحشتني العيله و اللمه
~~~~~~~~
يافرن كنتي.مجمعانا
ومن عيشك مشبعانا
وملز فولك بعد الخبيز
وفطيرة بالسمن البلدي غرقانا
~~~~~~~~~
وكل حاجه جوه الببت
ولوعوزنا حاجه في الغيط
وممكن من جارك عمك ولا خالك
محدش هايقولك مفيش او ياريت
~~~~~~~~
الفرن دي في ليل الشتاء بدفينا
وكان ليها بيت مجمع اهالينا
كنا بنشوي الدرة حتي البصل
تقولش خروف بصلة مًحبينا
~~~~~~~
وكانت لينا جدة إسمها روضه
بتلمنا حواليها وكاننا في الروضه
تحكلنا حواديت علي ضي القمر
وكان بيحلي السهر والبركه موجودة
~~~~~~~~~
كنا في بيت الفرن بنسمع أغاني زمان
ع المصطبه من إذاعةراديو الجيران
نلم بعضناعلي مسلسل وبرامج حلوة
وصوت أمريكا ومايطلبه المستمعون ونام بعد الأذان
~~|~~~~~~
كنا صبيان و بنات ده إبن عم وده أبن خال
الحيط ع الحيط والباب مفتوح ملوش قفال
كانت دنيا أمان أهل وعيلة بتجمع الخلان
كان في طيبه.نيه صافيه وراحة بال
~~~~~~~~
كانت أيامك جميله مع الحبايب يافرن
فاكره لما كنا نلم الغله سبله سبله ونخبز جرن
راحت الدنيا بحلاوتها من بعد الأحباب آه
ياسنين الغياب والف آه منك ياعام الحزن
More Stories
عُدنا وعاد الشوق ” للشاعرة : بثينة محمد _ مصر
في ثنايا العشق ” للشاعر : محمد عبد الشافي _ مصر
دعيني أسافر ” للشاعرة : سعاد ميرى _ مصر