ياما مش لاقي محمد وحسين
هدمتهم ياما في ايدي
لكن بقيتهم فين
من النجما صحيوا وصلوا
ولبسوا الزي وسافروا
على فين القطر وداهم
دول شهداء ولا ضحايا
مش برضة الشهيد ياما
بيموت على إيد عدو
كيف يبقى شهيد بإدينا
كيف يبقى الدم مايه
ولا أقولك
ما هو كل شئ جايز
وهتخلص التحقيقات
إن محدش جاني
والعيب في القضبان
أو سواق غلبان
مشافش قدامه
قيموا يلا العزا
ماهو راحوا الرجالة
ما عتش فيها قوالة
البسي يا اما السواد
وابكي على الولاد
لينا رب والله كبير
وعليه التدبير.
More Stories
معفّر بالغياب ” للشاعرة : صباح نور الصباح _ تونس
هذّبْ أشواكَكَ ” للشاعرة : ملك محمود الأصفر _ مصر
مَا عَادَ غيرك ” للشاعرة : مروة العنانى _ مصر