هو انت تعرفنى
أوقات الدنيا تخطفنى
م الفرح للحزن
هو انت حبيبى تعرفنى ؟!
ولا انا للزرع غصن ؟!
أوقات الدنيا ترمينى !
وأموت بدل ما تحيينى
هو انتى ليه ياعينى
دايمآ كدا بتبكى ؟!
خلاص ياقلبى عيش
فى دنيا ما تساويش !
إوجع .. ماتتوجعش !!
واوعى تنسى ماتحكيش
ياريتنى حتى أبكى
وبكايا يريحنى
دى كل دمعه بتنزل
على خدى بتدبحنى !!
دى كل آه بيقولها
قلبى بتجرحنى
لو فاهمه الدنيا غلط
بلجأ لك إشرح لي
ولو فاهماها صح
خلينى أكتب وأكمل
ياحبيبى … إسمح لي
هو انت تعرفنى ؟؟!
More Stories
علشان قلبي ” خواطر الشاعرة : فاتن عطية _ مصر
منَ الشريانِ للشريانِ ” للشاعرة : رضا عبد الوهاب _ مصر
موطنى ” للشاعرة : سعادميري : مصر