” الحزن علم ع الوشوش ” للأديبة : فاطمة عمار _ مصر

الحزن علم ع الوشوش
مبقاش فيه حاجة تفرحك
تلف الأيام عليك وتدور
وأنت واقف مطرحك
بتسأل نفسك أنا ليه جيت
وإيه ياقلبى يريحك
ليه الحظ بيلف العالم
ويجئ عندك يدبحك
ماشى فى طريقك
تتمنى فرحة تلمحك
تلاقى الخطاوى تاخدك بعيد
ووشوش كتيرة تجرحك
سكتنا ليه توهتنا
يا صاحبى جيت أستسمحك
وأعتب عليك من عشمى فيك
ياما زمان كنت أمنحك
الحب عندى مايتاقلش بمال
والمال أهو عندك سوحك
المال مش كل حاجة
ويا بخت من ف الآخر ضحك

admin

See author's posts