خليك فاكر ” ” خواطر الأديبة : ريهام سليم _ مصر

فقدانك لشخص بتحبه مش معناه إنك حتفضل طول عمرك موجوع أو عايش وحيد…
خسارتك النهاردة مش معناها فشلك أو نهاية حلمك…
مجهودك البسيط وطاقتك المحدودة مش بالضرورة تكون كسل وتأجيل، جايز الشيلة أتقل من تخيلك أو الحمل بقاله كتير…
لحظة ضعفك مش معناها إنك شخص مهزوم أو ضعيف

لحظات الضعف بتخدعك وتخليك تصدق إنها النهاية، تفتكر إن الصورة ثابته ودي محطتك الأخيرة، وتنسى إنك عديت قبلها محطات كتير ووجع أكبر

خليك فاكر إن حدود رؤيتك النهاردة هي الزاوية اللي بتبص منها، كل ما بتمشي خطوة بتشوف تفاصيل جديدة، تتعرف على نفسك من جديد في كل محطة في رحلتك، كل ما بتسمح لنفسك بالتخطي بتلاقي الدوا لجرحك، وبتتفتحلك أفاق جديدة تشوف منها النور، إحترم لحظات ضعفك وإديها حقها عشان تعدي وإقبل مخاوفك بس ماتصدقهاش ????????????????

admin

See author's posts