منى جاد تكتب : جزء من أى أزمة

جزء من أى أزمة بيمر بيها الإنسان دايما بيكون له يد فيها ، الأمثلة على كدا كتير من أبسط حاجة زى عدم نظافة الشوارع وتلوث المياة وصولا للاحتباس الحرارى…. الخ أزمة أرتفاع الأسعار طبعا لها اسباب كثيرة وبعضها معلوم والآخر قد لا نعلمه ، ونسأل الله أن يرزقنا جميعا الأمن والأمان فى كل جوانب الحياة ، جت مقارنه سريعة جدا على بالى فى طريقة الاستعداد للشهر الكريم من كام سنه وحاليا
، من كام سنه فاتو كانت طقوس رمضان بتبدأ ليلة رمضان مع احتفالية استطلاع الهلال ونبدأ نجيب حاجات السحور وتانى يوم نجهز للإفطار ونستمتع بصيامنا وبكل الشهر لانه شهر خير وبركة وعبادة وتراحم والحمد لله مازالت هذة الطقوس موجودة وبعودة علينا جميعا يا رب ، الجديد بقى انه فى الأونة الأخيرة بقت الناس تستعد قبلها بشهر او اكتر وتحرص على توفير طعام الشهر المبارك بمدة كبيرة مما يساهم بارتفاع الأسعار بصورة شبه يومية بصورة بها هلع وخوف من ان الأسعار تزيد ، مهم نفرح ونحتفل بقدوم شهر الخير لكن بهدوء وطمأنينة لان خزائن الله لا تنفذ واللى رزقنا امبارح هيرزقنا النهاردة وكل يوم ، بس ارجوكم بلاش نساهم فى الازمة ونساهم فى جشع بعض التجار ، عارفين لو اشترينا احتياجات يوم بيوم المعروض هيبقى كتير ونساهم اننا نكون جزء من حل الازمة… حفظ الله مصر 🇪🇬♥️ وجعلها أمن ورخاء امين

admin

See author's posts