“مول النية يربح” للشاعر : العابد عبد الرحيم

مول النية يربح

في سوق قياطنو مبنية
برح البرااح بصوت عالي

*اليوم مول اااالنية يربح

اااللعبة لعبة ورقة
الربحة ربحة زرقة
هاانت…كبر الحلقة
لغدا اوعشاا مرقبة

*اسمع القصة من الأول.!

كلامي….علاش اتعول
نعطيك مشروع امول
اتكون اااالنائب الاول

*اشرب كول كيف اتحب.!

نعطيك دار او طوموبيل
لكن احرسني نهار والليل
يدك فالشكارة يااا لخليل
طاابلة مع كرسي طويل

*ايبينوك راجل سيد اقرانو.!

لعبت اوراق
لعبت الوان

القيل و القاال
وكلام المحال

لا اتكون أاغشيم أخاي
اختار….الجيد فالسوق
اوزن….الكلام بالميزان

يا الغادي ابعيد لله
اوصية لا تنساها

(عند فورة ايبان العربون)

admin

See author's posts