علامة الرضى
والله ياحبايب في القلب سكنكم
وكل يوم انا رايح جاي لسكنكم
وبعدّي يوماتي أدق الباب
وأسأل عليكم فين الأحباب
ولاحد قدر ياخد مكانكم
*********
الكلمة الحلوة منكم كانت تِسكر
وكنتوا للشاي حلاها بدل السكر
وللحياة انتوا جمالها وضياها
وزهرة الأيام وعمر صيباها
وبسساتين خُضر بالمحبه تسحر
***********
معدي ع الجسر خايل وعجبان ولك هيبه
قرب ع الزراعية هانتغدا تحت التكعيبه
ياواد إحنا متجمعين ولاد العم والخال
ولقمة هنية تكفي ميه افرشلك الشال
ولو القلب لك مال ماتقولش دي عيبه
*************
ياواد انا من لحمك ومن دمك
ومين غيري بس هايعتل همك
و مد ايدك اشرب شاي العصريه
واقعد مع ابويا أحكي له عني شويه
وكل كلمه اسمعها اقول يسلم فُمك
*************
واكيد أبويا هايجي ويسألني
هاسكت أنا وعنيا هتجاوب عني
هو السكوت مش علامة الرضى
طبعا اكيد قالوا في المثل كده
وإنت سامع دق قلبي واقربله مني
More Stories
ايها اللص لقد سرقت قلبي ” للشاعرة : لمياء صلاح _ مصر
الشعر مش فزلكة ” للشاعرة : وفاء على _ مصر
الكل صار قاضى ” للشاعرة : رضا عبد الوهاب _ مصر