“حارسه الحدود” للشاعر : معوض حلمى _ مصر

ـــــ حارسه الحدود ـــــ

مصر يعـني عيال أسود
نبــع واصــل م الجــدود
مصر صاحيه الليل بتنده
للصـلا وحارسـه الحـدود
مصـر لمـا الحـرب تـدن
عــزمـها يـصـــبح بـارود
……………………………
مصر يعني الله حافظها
أرضـهـا طـارحـه الحـلال
واسـألوا يوسـف عزيزها
عــن ســنـابلــها الجـمـال
ضـل عشـه جنب نيـلـها
بألـف قـصـر مـن الخيال
……………………………
مـصر جوا قلوبنا راسيه
والـمـلايـكـه بيـحـرسـوها
مصر آيه ولسـه عاصـيه
مهـما حـاولوا يفســروها
مصر غنوه ف ألف ناصـيه
وع القــهـاوي بيسـهـروها
……………………………
مصر شالها الله في عينه
نـهـر نيلها طاب مـعـيـنه
مـصـر تـدي المحـتاجـين
قالـها لينا اللـه في دينه
أدخـلـــــــوهـا آمـــــــنـين
لـو نـده مـلهـوف تعـيـنه
……………………………..
مصر وسط الكون حويطه
شوف صورتها ع الخريطه
بحـر واصـل بحـر تـانـي
والقـناه ع الشــط زيـطـه
فـيـها نوبي ومـعـجـبـاني
واسكنـدرانيـه وبـسـيـطـه
…………………………….
مصـر بنت الريف بشالها
ماشـيه ع الـترعه بدلالها
مصـر عانـت م الأعـــادي
وجـاها كـام نشال نشلها
وابـنـها ع الـعـهـد عــادي
لمـا مالـت قـام وشــالـها
ـــــــــــــــــــــــــــــــــــــــ

admin

See author's posts