“بيتنا إللي كان هنا” للشاعرة : وفاء يوسف _ مصر

بيتنا إللي كان هنا
،،،،،،،،،،،،،،،
بيتنا اللي كان هنا
وخالى م الانا
كانت ساكناه قلوبنا
وكان مليان هنا
الفرحة بنتقاسمها
وهمومنا بنتبادلها
أيامه كانت ربيع
خاليه م الدموع
عشناها بوش واحد
مش بألف وش
مر الزمان علينا
طفى الفرحة ف عنينا
وصحى الريح إللي فينا
وقع كل الأسامي،،،،،،
وخلع الشجر،،،،،،،
دبل الأماني،،،،،،،،،
وخلى الطين حجر
غير كل الملامح،،،،
حتى القلب المسامح
معدش له مكان،،،،
جوه قلوب البشر،،،
ياريت الفرحة ترجع
من تاني تفتكرنا
تمسح كل المواجع
وتفتح الأمل
ويحلا تاني لينا
الليل ويا السهر

admin

See author's posts