“بالغصب اخدها” للقاص : ممدوح عرابى _ مصر

أرض تشوفها مفروشه سَجاده وناسها عليها سُجاده
و ناس بتصلي وصلاتها عليها فرض وعباده
مدينه النبي عيسي بيحي بإذن ربه الموتي ياساده
رضيع لكن بيتكلم دي حاجه فوق العاده
يبارك ربنا ناسها وبارك في أراضيها
أرض طاهره ريحتها زهرة خيرها فيها يكفيها
وفتحها عُمر وعدل ميزانها لغريبها ولأهاليها
ورسولنا اسُري اليها وصلي بالرسل فيها
بالغصب أخدها الغرب راح شرد أهاليها
وفي حطين صلاح طردهم وأمن كل من فيها
بعده استكنا وهجرنا دينا وعنها بالدنيا اتلهينا
غصبها الصهاينه وصارت حورها جواريها
هتفنا بالروح وبالدم وبكل غالي نفديها
سبعين سنه بيحرروا فيها
سألت ليه الغيبه ؟؟قالوا بندور عليها
تاهت جميع المعالم والملامح وحاجات كتيرفيها
قلت دي فلسطين قالوا اه هنفديها هنفديها
قلت علمها ألوانه أربعه أسود رايه نبينا
أبيض رايه النصر وفي بدر شعار لينا
أخضر بُرده محمد غطي الإمام علي بيها
أحمر شعار الخوارج والدم ماليها
وان تهت عنها وما شوفت رايه بتدلك عليها
هتلاقي أطفال الحجارة موجوده ف حواريها
حتي الرضيع في الإيد حجر والتانيه بزازة
جينات من عام النكبه والطفل اتولد بيها
م الجبن أو م الجهل أو م الخوف مشيوا و فاتوها
من يوم دير ياسين والرعب هجروها و سابوها
ماهو حتما يسيبوها قتلوا ابنه هتكوا عرضه
خدوا أرضه أيه لسا باقي فيها
من يومها ادينا ورقنا في أيد أعادينا
وقلنا هو الحكم يحكم بقا فينا
وحاربنا لجل الكرسي والتعظيم
و القبله عند الغرب صارت أوسمه وتفخيم
من يومها عملوا ع العقول تعتيم
من يومها تُهنا عننا أو مين يكون مع مين
رغم دينا قال الشرق كعبتنا وفيها قبلتنا
وسلاحنا قرآنا ووحدتنا عقيدتنا
سيبنا آيات دينا ومضينا علي المواثيق
و الآيه بقت غنوة والسجدة كما الرقصه والقبله في المواخير
بقت ضحكتنا نخاف منها و ندعي اجعله خير
من يومها العيله انفكت ماليها كبير
من يوم ماقري كتابنا وسمع قولنا أصم ضرير
من يوم ماشكينا اوجاعنا لأعدائنا وقلنا سبيل
من يوم مارقصنا ع الدبكه والاقصي يبكي عليل
من يوم ما طالبنا بحقوقنا كعبد ذليل
ان كانت وصفتي صعبه وفيها توهه خد تاني دليل
أمشي في شواريعها هتلقاها رُكام وحجارة
وصخره جنب جدار عليها دم لطفلنا الدره
وصورته في حضن أبوة بتشوفه الماره
جايز لا باقي جدار ولا دار وهدموها بالمره
وحياة بقت صعبه حنظله و مُره
وان شوفت طفل ما تسأل فين أمه و أبوه
مهوش عارف تحت أنقاض ولا اتلحق دفنوه
ماتعرف بيت من قبر الكل في الكل هدموه
قلت لك حاله من اجدادك تحكيها لأولادك
عندي سؤال مخايلني محيرني ايه قولك لو
حصلت النكسه وكان الحج للقدس والقبله فضلت الأقصي
قالوا ماتشغل بالك القوله مهيش ناقصه
زي ماربك حمي الكعبه هيحمي منهم الأقصي
واسكت بقا وانسي وسيبها ربك هيحميها
يارب أنت القوي أقوي من الشياطين
انصر جنود الحجاره بالقوة ع الظالمين
واحمي لنا الأقصي واحفظ لنا فلسطين

admin

See author's posts