“صديقة عمرى خانت” كلمات الاديبة : فاطمة عمار _ مصر

كنت بتسألنى عنها
ومن طيبتى بقولها
أنا السبب فى حبك
وقربك منها
********
صديقة عمرى خانت
والعشرة عليها هانت
لما حبت ما قالت
إنك بتحبها
*******
وهان عليها تخدعنى
اشتكى منك وتسمعنى
وتقولى عادى وإيه يعنى
وألاقيها قاسية في ردها
*******
وكان غلطى أنا أستاهل
ده حبى ماكانشى بالساهل
أنا اللى كنت بتجاهل
وأكدب نفسى فى ظنها
********
ومش حاقبل أعيش وياك
وتخدعنى عشان بهواك
أنا إتحملت ياما جفاك
حسبى الله منك لها

admin

See author's posts