“العيون بتبكى” كلمات الشاعرة : نشوى الخطيب _ مصر

اه يانار لسه والعه
صرخه صرخه ليها سامعه
ولنزيفك ليا دامعه

بين ضلوعى طفى نارك
بكره جاى اكيد نهارك
وف عيونك لون خضارك

لما نار الغدر قادت
والشهامه فيهم ماتت
والحقوق ف الغيمه عامت
كل حاجه حلوه راحت

العيون بتبكى عليكى
بكره يجى اللى يفاديكى
يمسك الشمس بأديكى
ويمحى فجر اللى يعاديكى

يا ام اطفال الحجاره
صابره ع الظلم بجداره
ليكى ف التاريخ مناره
وكل جدار ليكى حضاره

لما سرقو نور نهارك
وبكل جبن هدمو دارك
قادو بكل غدر نارك
بكره تكبر فيك صغارك
بكل عزه يخدو تارك

admin

See author's posts