“صرخة وجع” كلمات الشاعر على محمود السعداوى

وبيحسدونا الناس ياقلبى
على إيه ياقلبى بيحسدونا
على ضحكة طلعت غصب عنى
طب ماكل الناس بتضحك
ليه حرام الضحك عندى
ليه ياقلبى يظلمونا يألمونا
ميعرفوش إنك وإنى
عايمين فى بحر من الوجع
وعشان محد يحس بينا
إتوهموا الضحكة فى عنينا
على إيه ياقلبى بيحسدونا
على يوم ضحكت وباقى عمرى
من كاسات المر شارب
على ناس باعت لي الوهم
وكنا فاكرينهم حبايب
دانا يامى كنت بدارى دمعى
ويامى عشت كثير بوجعى
كان حد فيهم يوم سألنى
كان حد جانى ولا زارنى
على إيه ياقلبى بيحسدونا
طب ليه يا قلبى بيظلمونا
شفنا إيه ياقلبى يفرح
غير كلامهم إلى يجرح
ورغم قسوتهم ياقلبى
كنا بنسامح ونصفح
حبيناهم لعبوا بينا
عيشونا فى وهم كاذب
وام حسوا فى يوم وجعنا
جابوا عالينا فى وطينا
وبيحسدونا الناس ياقلبى
على إيه ياقلبى بيحسدونا
وليه ياقلبى بيظلمونا

admin

See author's posts