” فى عيد الام ” للشاعرة : مني صالح _ مصر

بقلم الشاعرة / مني صالح
“” “” “” “” “” “” ““” “” “” “” “”
في عيد الام
أنا روحتلك يا أما
وقولت أفطر معاكي
وأحس باللمه
جبتي خيرات ربنا
وحطيتي قدامنا
وقولتي لمي الولاد
هنا ع السفرة
دى القعدة من غير ورد
متحلاش ع السفرة
وجه الكبير والصغير
والورد ع السفرة
وفرحت انا بقعدتك
يا أحلي ورود السفرة
يارب ديم فرحنا
بلمتك يا أما
وروحت أحكي لجارتي
واتباهي بالعيله
قولتلها في بيتنا
أحلي ورة جميلة
من غيرها بيتنا ما يسوا
اى لحظة جميلة
يارب ديم فرحنا بلمتك يا اما
وفي يوم ميلادى جبتي كل شئ غالي
وقولتي علشان طول السنة يجيلك
كل شئ غالي
وجه أخويا الكبير
وقولتي تعالي ياغالي
اقعد علي سفرتي
وتملا ياغالي
يعطيك في دنيتك
السعد يا غالي
وده دعايا ليك من قلبي
يا غالي
يارب ديم فرحنا بلمتك يا أما
وجه اخويا الصغير
البكش كله
والكل متحير
قالتله تعالي يا فرحه قلبي
دا الكل منك غير
مهما تعمل وتجرح
انا عمر قلبي ما يتغير
داكفايا عليا فرحتي
بالكبير والصغير
يارب ديم فرحنا
بلمتك يااما

admin

See author's posts