” فكرونى ” للشاعرة : مايسه العشى _ مصر

لو نسيت فكرونى
و لمونى ورجعونى
فكرونى باللى كان
قبل مايفوت الاوان
اصلى بنسى الالام
والسنين اللى ضاعت
والعنين اللى دابت

فكرونى انه قاسى
وانا هو حد ناسى
وان طبعه كان انانى
وانه ياما ياما باع
وان عمرى فى حبه ضاع
وانى شوفت ليل طويل
مليان خداع

فكرونى
انى كل مااجى افرح
كان بيجرح
يقلب الضحكه اهات
اه ياقلبى
ياما شفت كتير حاجات
كنت بتحمل جنونه
وارتعاش النبض فيه
كنت فاكره انه ليه
وان حبه نبض فيه

فكرونى
باليالى والاهات
والدموع والساعات
رجعونى قبل مااضعف
تانى وارجع
قسوا قلبى عليه يوماتى…
فكرونى بيه ليالتى
ايوه احكوا عنه تانى
ايوة قولوا وذكرونى
انى ياما كنت ابكى
ولا دارى بدموعى
واما احكى عنه واشكى
كان يهدد بالرحيل
كنت اخاف
وارجع ابكى

بس لا لا ياقلبى
النهارده فات اوانه
لما ضاع منى زمانه
فكرونى ياحبايب
اه لمونى ورجعونى
قبل ماضعف تانى وارجع..

admin

See author's posts