شبابيك الحلم المفتوحه
بتلاغى الرايح والجاى
بتعاكس بكره اللى مروح
مشربش الشاى
وحياتك عندى لأغزلك
نغمات الناى
بس اوعد روحى انك راجع
منتش نساى
وان انا راح اكون بطلة قصه
علي سطح الأرض
ابدرها سنابل حريه
بالطول والعرض
وألف في عز الليل اوزع
ع الخلق سعاده
كل الصايمين يفطروا بيها
راح تصبح عادة
وألم الحزن ،واقضي عليه
أحرقه من قلبه مايفضل فيه
واكتب أشعار
عن قلب نبيل معجون إسرار
عن شكل ومضمون الأفكار
خلف الشبابيك
More Stories
سباق الحب ” الشاعرة : إيناس فوزي _ مصر
هاربه ” للشاعرة : رضا هيكل _ مصر
ياسيدي ” للشاعرة : لمياء صلاح : مصر