صابر فِضل صابر
فى دنيا دوارة
حِلمه يعيش مرتاح
نفسه يشوفله تجارة
تملأ حياته خير
ويبنى منها عمارة
ياكل لحمة وفليه
مش كل يوم بصارة
وعربية آخر موديل
على العز تكون أمارة
صابر فِضل صابر
على عيشة الحارة
شغال مسا وصباح
والشغل ده شطارة
صابر أسس له بيت
وغمزت السنارة
قلبه وقع فى الحب
إتجوز حبيبته سارة
إتهناله يومين
والدنيا قامت غارة
مفيش حال بيدوم
كل يوم بخسارة
العيشة صبحت غالية
والنفس منهارة
يجيبها كدة تجيله كدة
شايفها عقب سيجارة
صابر بقى كل حِلمه
الستر والصحة ولبيت الله زيارة
More Stories
( امرأة تحترف الخجل ” للشاعرة : رشا طرابلسى _ سوريا
يغازلها القمر ” للشاعرة : إيمان الديب _ مصر
كِبْرِيَاء ” للشاعرة : ابتسام يعقوب حبو _ سوريا