“ضي سارح” للشاعرة : هبة حسن _ مصر

سر عمرى وابتسامتي
من حنان الضمه كنتي
حته مني ومن شقاوتي
كل زهره من حلاوتك
يلي عشقاني بغلاوتك
قولى مين ف الدنيا ديه
يعشقك غير حضن مامتك
كل شي في العمر هيه
ضحكتك وكمان شقاوتك
ولا اقولك يا حبيبتي
قلب ماما وروحي انتي
يوم ميلادك ورد يسأل
عن سعاد الحلوه بنتي
نفسي اشوفك وقت ما اكبر
بحر خير شايل سفينتي
ف الادان الله اكبر
ادعي ليكي يا اميرتي
كلمه منك نور منور
ضي سارح فوق مدينتي
انت سكر م المكرر
مهما رحتي ولا بنتي
احلي شكل واحلي منظر
ايوه طبعا م انتي بنتي
نفسي اعرف ليه لوحدك
مالكه روحي جوه قلبك
ده النهار زي ابتسامتك
يحضنك ويقول حبيبتي
يا جميل الشهد حلي
الكفوف سكر تملي
في عيونها قام يصلي
اصل سوسو نور حكايتي
جوه مني كنتي نفسي
قبل مني كنتي نفسي
ما انت قمرى جنب شمسي
من بدايتي ولنهايتي
ادعي رب الكون يصونك
والملايكه تدور ف كونك
افرحي وعيشي بجنونك
واحضنيني يا اميرتي

admin

See author's posts