” قديسة العشق ” للشاعرة : منى صالح _ مصر

أنا في عندى كلام سكات
ونظرة خوفي تسألني عن النهايات
حروفي إحساس من قلبي سطرها الريح
و ثورة شوقي بركان من التسابيح
أولها حب وعشق ومعنى صريح
وإن سألو بساط الريح
أكون أنا قديسة عشق والمعني صحيح

وأكتب حروف فيها إحساسي بقلب جريح
والحبر دمعي
ونظرة خوف بتتألم من التجريح
وأكابـر
وأكابـر شوقي وأبعـد وأسلم مداد الريح
أكابـر
وأبعـد وعشقي سارح مع التسابيح
وأقول يا عشق كفاني بالحروف تلميح
ما الخواطر لهيب حارق بفعل صريح
والقصايد منابرها عشق بفعل الريح
وإن عاتب بساط الريح
أكون أنا قديسة عشق والمعني صحيح
واقول معقول
معقول تفوت
ساعات الليل
وقلبي يكن
معقول يهدا بساط الريح وقلبي يحن
أنا من كتر خوفى يوم أسلم
و الحنين اللى قلبي يأن
وريدى مدبوح
وكلي جروح
وأقول ياجروح سهرانه بتأني
ومين الي في قلبي يكن
دا الحسن اسمه ورسمه ووصفه في القلوب بيحن
وأ كون انا قديسة عشق بتداوى وهي تأن

وتموت احلامي الي سارحه مع الملكوت
وعن نفسي أخترت أبعـد
ما بعـدك مـوت
مدام مش فارق
ايه هيكون معايا فارق
مدام حقوق العشق محفوظة على الأوراقِ

وأكون أنا قديسة عشق وكلامي عن العشاق

admin

See author's posts