قلب أناني ” للشاعرة : ميادة الحداد _ مصر

باكتب كل حروفك ضي
ينبض قلبى الأسم الحي
باعشق كل ملامح قلبك
عمري ماشفت ف حسنك زي
ياللى رويت العمر سنينك
لمّا بتلمع دمعة ف عينك
روحي تسمي ويهرب دمي
وادعى المولى لجل يعينك
مهما بتهجر تقسى وتبعد
مهما عشان حبيتك تعند
عارفة كياني بيجري ف دمك
عارفة قساوتك غصبٍ عنك
وانك يعني تحاول تظهِر
قلبك يقدر يجفى عيوني
لجل تعاقب بعض ظنوني
بس انا عارفة طبعك غالب
ان حسيت بدموعي وشوقي
تصبغ قلبك حنة لوني
وارجع تانى اقول لك تانى
قلبك جوا ف قلبي بينبض
اخر مرة هاعتبك فيها
مش بالسهل اعدها ياقلبي
وان فكرت ف يوم تهجرني
هابعت دمعي يجيبك تانى
علشان قلبي بجد ف حبك
طيب جدًا بس أناني

admin

See author's posts