لو كان ” للشاعرة : نجلاء عزت _ مصر

لو كان الشوق ف الروح بيموت
لو كان النور للحلم تابوت
لو كنا ملايكة ف الملكوت
لو نقدر نحكي ويعلا الصوت
………..
لو كان الشوق ف الروح بيموت
كان قلبي ارتاح
لو كان النور للحلم تابوت
كان عمرنا راح
لو كنا ملايكة ف الملكوت
ما يسعنا براح
لو نقدر نحكي ويعلا الصوت
زغاريط افراح
…………
لو كان الشوق ف الروح بيموت
كان قلبي ارتاح
والحب يهون
كان كل لقاءنا هيبقى سكوت
..
لو كان النور للحلم تابوت
كان عمرنا راح
ولا كنا نكون
كان فرح العمر علينا يفوت
..
لو كنا ملايكة ف الملكوت
ما يسعنا براح
ولا فضا و لا كون
ونغوص ف بحار على ضهر الحوت
..
لو نقدر نحكي ويعلا الصوت
زغاريط أفراح
وبأجمل لون
نرسم تابلوه بالنور منحوت

admin

See author's posts