عزة النفس ” للشاعرة : جيهان الصياد _ مصر

اوعاك فى يوم تقلل من قدرك
او ترضى حد علي حساب نفسك
او تخلي حد يهينك ويبعد عنك ويسيبك
ولا تشكي وجعك والمك لحد ولا تخلى حد يعرف سرك
او نقطة ضعفك مهما كان صاحبك أو قريبك
خلي بينك وبينهم مسافات وحدود اوعاك
تضعف قدام حد حاول يكسرك ويجرحك
او حد عامل نفسه بيشتريك وبيخاف عليك
وهو في الأساس بيهد فيك ويبيعك
اوعاك تتصل علي اللي معاه رقمك
وعامل ناسيك ومش فاكرك
عشان قليل الاصل عمرة ما يكون اصيل
وفى لحظة تلاقيه بيبعد عنك ويسيبك
يا دنيا ليه خليتي الخسيس بقه بيه
والأصيل هنتيه وسبتي الكل يلعب بيه
اللي كان عامل حبيب وقت لما كان فيه
ولما كان معاه القرش الكل كان حواليه
ولما جات الدنيا عليه بعدو عنه
وقالو سلام ملناش مكان حواليه
اخوك مش اللي ولدته امك
وانكتب اسمه علي اسمك
اخوك هو اللي في وقت ضيقتك
واقف فى ضهرك بيقولك يا اخويا
مليش غيرك انا جنبك
وعمري ما اتخلى عنك
دايما معاك عمري ما هسيبك
انا اخوك اللي مجبتهوش امك
ودايما معاك بشيل همك
انا رفيق دربك وصديق عمرك
ايدي عمرها ما هتسيب ايدك
هو ده اخوك فعلا وحبيبك

admin

See author's posts