يامه يامه
كنت عايزة اضمك
ألف ضمه
قبل ماتمشى وتسيبينى
كنت عايزة أملى عينى
**يامه يامه **
زمن الكورنا يامه
جه واخدك منى
وبقيتى شهيدة يامه
وفراقك غصب عنى
ولا قدرتى تشوفى ملامحى
ولا حتى تحضنينى
** يامه يامه **
حبايبك اهم يامه
واقفين برة الباب
بيسالوا عن بعد
لكنهم أحباب
أول مامشيتى يامه
ملقتش حد يواسينى
** يامه يامه **
كنتى كل حاجة ليا
أمى وابويا وسندى
واهلى فى الدنيا ديا
بعدك مفيش خلصوا الحبايب
كنتى الحبيبة لكل القرايب
وبلسم يطيب ويشفينى
يامه يامه
** اهدى هذه الكلمات إلى المرحومة والدتى
More Stories
دعيني أسافر ” للشاعرة : سعاد ميرى _ مصر
وع الخدود تفاحتين ” للأديبة : سونى أبو العلا _ مصر
الحنين قد فاض ” للشاعرة : إيمان الديب _ مصر