انا الست اللي يكفيها حضن
بتمشي بلاد في روحها عناد
و جواها مابيعرفش الحزن
انا الست اللي جواها ناي
و بيانو و درام و كمان
بتتكلم عن الايام
كأنها سطر في كتاب فن
و يكفيها حضن
انا العشق اللي كله جنون
باحن لناس لكن بتخون
حياتي كلها مطبات وناس غلطات
لكن في سكوت بيمشي الحلم..
و يكفيها حضن
انا الست اللي مابتندمش
قوية و تتهزم ماتموتش
بيتجدد معاها نهار
و ليلها هدوء و جواها نار
و مابتظهرش.
انا الست اللي جواها خير
حياتها مسافه حساها و طريقها طويل
ف قلب الحزن تلقاها… كطير بتطير
و حابه الماضي و الذكري
و مستنيه يجيي بكره
و يكفيها حضن ….
More Stories
أحبّّكَ رغم أنّك لا تُبالي ” للشاعرة : إيمان الديب _ مصر
عبدٌ جديد ” للشاعرة : هدى عز الدين _ مصر
أضحى سعيد ” للشاعرة : هالة العكرمي _ مصر