19 يوليو، 2024

” وهايجئ يوم ” للأديبة : فاطمة عمار _ مصر

فاطمة

وهايجئ يوم
تخبطوا على البيبان
هتلاقوا شرخ
وقلب انكسر
من الخذلان
هتلاقوا جرح
بينزف ألم
وأهاته ندم
على حب هان
سنين عمرى اخدتوها
كنتوا نجوم لياليها
كنتوا الحياة اللي بعيش فيها
اوام فى لحظة بعتوها
واللى بينا كأنه ماكان
انا كنت بعتب
من عشمى فيكم
وكنت بفرح لما ألتقيكم
مجاش في بالي أهون عليكم
وانا كنت ليكم معنى الحنان
صحيح ماملكش مال ولاجاه
طيبتى رصيدي في الحياه
قلبى الطيب ماملكش سواه
ولو أملك ما كنت ابخل على انسان
أملك قلب
مليان حب
مهما تعب
فى حضنه أمان