13 أبريل، 2024

تعالى اقولك ” للشاعرة : ريهام عبد الله _ مصر

ريهام عبد الله

تعالى اقولك
لو كان يهمك
على اللى كان
عامل حبيبي

والقوله قولك
والحكم عندك
ازاى آمنت
ولا كان بأيدي

دى مرايه عميه
ف الحب نايمه
على البحر عايمه
ولا كات حقيقي

اوهام تزغلل
وعيون تسبل
والقلب كمل
وقال طريقى

والشوق غلبنى
والسهم صابني
صياد وصادنى
وانا قولت عينى

اهو خان وباعنى
مبقاش سامعنى
لو حزنى خدنى
وفراق كاوينى

اهو ناسي فرحى
وعاش وجرحى
فيا يلومني
ولا بيداوينى

تعالى اقولك
لو كان يهمك
على اللى كان
عامل حبيبى