13 أبريل، 2024

إبتدينا بالحنين ” للشاعرة : عزة عامر _ مصر

عزة عامر

إبتدينا بالحنين
لحظات لقا م فين لفين
وماخطرش في بالي لحظه
تبقالي رفيق السنين
ذكريات وفيا بارزه
ما بتتنسيش
كنت برميلك همومي
تقولي أضحكي مايهمكيش
كنت أجمل حاجه ببدأ بيها يومي
أنت غالي كتير عليا
وبتفهمني من عيوني
كنت بتقويني أعيش
وأما أغيب تنده عليا
يلا قومي
سيبك م الأربع حيطان
تعالي أحكي وسمعيني
عامله إيه ويا الأيام
مبسوطه يعني و نسيتني
ولا لسه قلبك زعلان
وأسمعك وأجي قوام
أتنفس وأحكي وأبوح
واحشني يا رفيق حياتي
واحشني يا رفيق الروح
بعدي عنك فارق معايا
زي طير ماشي بجناحه
علي أرض مش لاقي السما
وفي بعدها تايه بينوح
وحشتني يا بحر